सचिव सरुवाः अर्थ सचिवमा मरासिनी, ढुंगाना पुगे प्रधानमन्त्री कार्यालयमा

काठमाडाैं । सरकारले अर्थ मन्त्रालयको सचिवमा मधुकुमार मरासिनीलाई सरुवा गरेको छ । 

बिहीवारकाे मन्त्रिपरिषद् बैठककाे निर्णय अनुसार यसअघिका अर्थ सचिव शिशिर ढुंगानालाई प्रधानमन्त्री तथा मन्त्रिपरिषद्को कार्यालयमा सरुवा गरेर महालेखा परीक्षकको कार्यालयमा रहेका मरासिनीलाई अर्थमा ल्याइएको हो । 

प्रधानमन्त्री शेरबहादुर देउवा नेतृत्वकाे मन्त्रिपरिषद्ले पूर्णता पाएसँगै अन्य मन्त्रालयमा पनि सचिव हेरफेरको तयारी रहेको स्रोतले बताएकाे छ । 

यस्तै मन्त्रालयनिकट उच्चस्तरिय स्रोतका अनुसार स्वास्थ्य तथा जनसंख्या मन्त्रालयका सचिव लक्ष्मण अर्याललाई पनि प्रधानमन्त्री तथा मन्त्रिपरिषद्‍को कार्यालयमा सरुवा गरिएको छ।