ओलीले केन्द्रीय कमिटी बैठक नरोक्ने, नेपाल पक्ष हस्ताक्षर फिर्ता नलिने

 काठमाडौं । नेकपा एमालेको एकता वार्ता निष्कर्षबिहीन भएको छ । समिट होटलमा बसेको एमालेका दोस्रो पुस्ताका नेताहरुले पार्टीको एकता कायम राख्न पार्टी अध्यक्ष केपी ओली र बरिष्ठ नेता माधव नेपालबीच वार्ता गराउने र मन माझामाझ गराउने प्रयास गरेका थिए । वार्ता जारी रहेको बेला घनश्याम भूसाल नेपाल निवास कोटेश्वरमा पुगेर दुई नेताबीच टेलिफोन संवाद गराएका थिए ।

टेलिफोन संवादमा नेता नेपालले शनिबार राखिएको केन्द्रीय कमिटी बैठक रोक्न र कार्यदलबाट वार्ता जारी राख्न आग्रह गरेका थिए । नेता नेपालले आवश्यक परामर्शविना राखिएको केन्द्रीय कमिटी बैठक स्थगित गर्न अनुरोध गरेका थिए । नेता नेपालले अदालतमा दायर रिटबाट हस्ताक्षर फिर्ता हुन नसक्ने बताएका थिए ।

अध्यक्ष ओलीले केन्द्रीय कमिटी बैठक रोक्ने प्रस्ताव अस्वीकार गरेका थिए । ओली–नेपालबीच टेलिफोन वार्तामै आ आफ््नै अडान राखेपछि एकतामा बसेका दोस्रो तहका नेताहरु समिट होटलबाट हिडेका थिए ।

 शुक्रबार बसेको एमाले केन्द्रीय कमिटीको बैठकले सोमबारसम्म अदालतमा दिएको रिटबाट हस्ताक्षर फिर्ता लिन माधव नेपाल पक्षका सांसदहरुदलाई निर्देशन दिएको छ ।