देउवाले बोलाए आफ्ना गुटका नेतालाई बुढानीलकण्ठ

काठमाडौं । नेपाली कांग्रेसको १४ औं महाधिवेशन नजिकिदै गइ रहेको बेला  आफ्ना – आफ्ना  गुटका नेताहरु छलफलमा जुटिरहेका छन् । आज  नेपाली कांग्रेसका सभापति शेरबहादुर देउवाले आफनै  निवास बुढानीलकण्ठमा आफ्ना निकटका शीर्ष नेताहरुको बैठक बोलाएका हुन्।  देउवाले आगामी भदौमा निर्धारित १४औं महाधिवेशनबारे छलफल गर्न आफ्ना निटकका नेताहरुलाई छलफलका लागि बोलाएका हुन् । 

देउवा निवास बुढानीलकण्ठको  बैठकमा उपसभापति विमलेन्द्र निधि, विजय कुमार गच्छदार, पूर्णबहादुर खड्का, प्रकाशशरण महत लगायतका नेताहरु सहभागी छन् । छलफल आगामी महाधिवेशन र क्रियाशील सदस्यता सम्बन्धमा केन्द्रित रहेको बताइएको छ ।

निधिले आगामी महाधिवेशनमा सभापति पदको उम्मेदवार बन्ने घोषणा गरेका छन् । सभापतिमा दाबी गर्दै आएका महामन्त्री शशांक कोइराला र पूर्वमहामन्त्री प्रकाशमान सिंहसँग निधिले छलफल गर्दै आएका छन् । देउवाले पनि सभापति नछाड्ने स्पष्ट पारेका छन् ।