मन्त्रिपरिषद विस्तार गर्ने प्रधानमन्त्रीको तयारी, बादलकी श्रीमती पनि मन्त्री बन्दै

काठमाडौं । प्रधानमन्त्री केपी शर्मा ओलीले जसपालाई सरकारमा सहभागी गराएर मन्त्रिपरिषद विस्तार गरेपनि  अझै पूर्णता पाएको छैन ।

त्यसै क्रममा ओलीले मन्त्रिपरिषदलाई पूर्णता दिन आफूसँग राखेकाे आठ वटा मन्त्रालयकाे जिम्मेवारी दिइ नयाँ मन्त्रीहरुलाई शपथ खुवाउने तयारी गरेका छन् ।

ओलीले बिहीबार अपराह्न राष्ट्रपति कार्यालय शितल निवासमा नयाँ मन्त्रीहरुलाई शपथ खुवाउने तयारी गरेका हुन् ।

प्रधानमन्त्री ओलीले हाल उद्योग, वाणिज्य तथा आपूर्ति, कृषि तथा पशुपंक्षी विकास, रक्षा, गृह, वन तथा वातावरण, सङ्घीय मामिला तथा सामान्य प्रशासन, सञ्चार तथा सूचना प्रविधि मन्त्रालय आफैंले सम्हाल्दै आएका छन् । 

स्रोतका अनुसार प्रधानमन्त्री ओलीनिकट रामबहादुर थापा ‘बादल’ की श्रीमती नैनकला थापा पनि मन्त्री बन्दै छिन्।

गृह मन्त्रीमा खगराज अधिकारी नियुक्त हुन लागेका छन् । त्यस्तै नैनकला थापा- सञ्चार तथा सूचना प्रविधि मन्त्री, ज्वालाकुमारी साह- कृषि मन्त्री, नारदमुनी राना- वनमन्त्री, मोहन बाँनिया- विना विभागीय, राजकिशोर यादव-उद्योग मन्त्री, गणेश पहाडी- सामान्य प्रशासन मन्त्री र आशा बिक वन राज्यमन्त्री हुने भएकाे स्रोतले जानकारी दिएकाे छ ।