काठमाडौं । आर्थिक बर्ष २०७८-०७९ बजेटमा कर्मचारीको भत्ता मासिक २ हजार बृद्धि भएको छ । कार्यालय सहयोगीदेखि मुख्यसचिवसम्मकै तलव मासिक २ हजारका दरले बृद्धि भएको छ ।
अर्थमन्त्री बिष्णु पौडेलले बजेटमा कर्मचारीका लागि बर्षमा १० दिन बराबरको तलव घुमघाम(आन्तरिक पर्यटन प्रबद्र्धन)का लागि छु्ट्याएका छन् । आन्तरिक पर्यटनको प्रबद्र्धनका लागि सरकारले यो बर्षदेखि कर्मचारीका लागि यस्तो ब्यवस्था गरेको हो । निजामती, संस्थान, प्रतिष्ठान, समिति, स्थानीय निकायसहित सबै सरकारी कर्मचारीले १० दिनको तलव सुविधा पाउनेगरी पर्यटन काजमा जान पाउनेछन् ।
संस्कृति, पर्यटन तथा नागरिक उड्डयन मन्त्रालयले कार्यनीति बनाएपछि कुन कुन ठाउँमा पर्यटन काजमा जाने हो, काजमा गएपछि त्यहाँको बारेमा घुम्न गएको कर्मचारीले प्रतिवेदन पेश गरेपछि भुुक्तानी पाउनेछन् ।
