काठमाडौं । नेपाली क्रिकेटर सन्दीप लामिछानेले कोरोना भाईरसविरुद्ध लड्न सरकारलाई ३ लाख सहयोग गरेका छन् ।
सन्दीपले सोमबार कोरोनाविरुद्ध लड्न ‘टिम सन्दिप’ अभियानको घोषणा गर्दै उक्त सहयोग गरेको घोषणा गरेका हुन्।
सन्दीपले गत वर्षपनि कोरोना राहत कोषमा १ लाख सहयोग गरेका थिए ।
सन्दीपले ‘टिम सन्दिप’ अभियानबाट आर्थिक संकलन गर्ने र उक्त अभियानबाट उठेको रकम स्थानीय निकाय, प्रशासन कार्यालयको रोहवरमा अति प्रभावित क्षेत्र, स्थानीय निकायमा आवश्यकता तथा प्राथमिकताको आधारमा वितरण गरिने जनाएका छन् ।
सन्दीपले आर्थिक सहयोग संकलनका लागि सेन्चुरी बैंकमा खाता समेत खोलेका छन् । सन्दीपले अभियानको आरम्भ गर्दै उक्त खातामा ३ लाख जम्मा गरेको समेत जनाएका छन् ।
