वीरगञ्ज । वीरगञ्जमा कोरोना संक्रमणबाट थप १६ जनाको मृत्यु भएको छ ।
नारायणी अस्पतालमा १० जना, वीरगञ्ज हेल्थकेयर हस्पिटलमा २ जना, तराई हस्पिटल एण्ड रिसर्च सेन्टर, स्पर्श मल्टी स्पेस्यालिटी हस्पिटल, नेशनल मेडिकल कलेजले सञ्चालन गरेको बाबा होटल कोरोना अस्पताल र होम आइसोलेसनमा १/१ जनाको मृत्यु भएको हो ।
मृतक मध्ये पर्साका ६, बाराका ७, रौतहट र सर्लाहीका १/१ जना र एकजना भारतीय नागरिक पनि छन् ।
नारायणी अस्पतालमा मात्रै १० जनाको मृत्यु भएको अस्पतालका कोभिड संयोजक डाक्टर सरोज रोशन दासले जानकारी दिए ।
सर्लाहीको बरहथवा नगरपालिका –५ की ४७ वर्षीया महिलाको नारायणी अस्पतालमा मृत्यु भएको छ । वैशाख २१ अस्पतालमा भर्ना भएकी उनको सोही दिन गरिएको एन्टिजीन परीक्षण पोजेटिभ आएको थियो । उपचारको क्रममा आइतबार बिहान साढे ५ बजे उनको मृत्यु भएको अस्पतालले जनाएको छ ।
