बाँके। जिल्लाका विभिन्न अस्पतालमा र होम आइसोलेसनमा गरेर थप आठ जना कोरोना संक्रमितको मृत्यु भएको छ।
जसमा भेरी अस्पतालमा पाँच जना, दुई जना कोहलपुर मेडिकल कलेज र एकजनाको होम आइसोलेसनमा मृत्यु भएको जिल्ला कोभिड–१९ संकट व्यवस्थापन केन्द्र, बाँकेका फोकलपर्सन तेजबहादुर वलीले जानकारी दिए।
वलीका अनुसार खजुरा गाउँपालिका वडा नं १ का ६४ वर्षीया महिलाको होम आइसोलेसनमा मृत्यु भएको हो।
त्यस्तै, कैलाली लम्कीचुहाका ४० वर्षीय पुरुषको कोहलपुर मेडिकल कलेजमा मृत्यु भएको छ। सल्यान कुमाख गाउँपालिकाका वडा नं १ का ६७ वर्षीया महिलाको भेरीमा मृत्यु भएको छ।
बर्दिया मधुवन नगरपालिका वडा नं ६ का ५९ वर्षीय पुरुषको भेरीमा मृत्यु भएको छ। बैजनाथ गाउँपालिका वडा नं ६ का ३५ वर्षीया महिलाको भेरीमा मृत्यु भएको छ।
यसैगरी खजुरा गाउँपालिका वडा नं ३ का ७५ वर्षीया महिलाको भेरीमा मृत्यु भएको छ। नेपालगञ्ज उपमहानगरपालिका वडा नं ५ का ६१ वर्षीया महिलाको भेरीमा मृत्यु भएको छ। कोहलपुर नगरपालिका वडा नं २ का २८ वर्षीय पुरुषको कोहलपुर मेडिकल कलेजमा मृत्यु भएको छ।
योसँगै बाँकेमा कोरोनाबाट मृत्यु हुनेको संख्या २ सय २२ जना पुगेको छ।
