काठमाडैं । कोरोना संक्रमणका कारण एकैदिनमा वागमती प्रदेशका ३४ जनाको मृत्यु भएको छ ।
प्रदेशका १३ मध्ये ९ जिल्लाका ३४ जना कोरोना संक्रमितहरुको मृत्यु भएको सामाजिक विकास मन्त्रालय बागमती प्रदेशले जनाएको छ ।
मृत्यु हुनेमा सबै भन्दाबढी काठमाडौंमा १८ जनाको मृत्यु भएको छ ।
मन्त्रालयका अनुसार ललितपुरका ४ जना, भक्तपुरका ३ जना, चितवन, दोलखा र सिन्धुलीमा क्रमशः २÷२ जनाको मृत्यु भएको छ । त्यस्तै रसुवा, रामेछाप र सिन्धुपाल्चोकका १÷१ जनाको मृत्यु भएको छ । योसँगै बागमती प्रदेशमा कोरोना संक्रमणका कारण मृत्यु हुनेको संख्या १ हजार ६५३ जना पुगेको छ ।
बागमती प्रदेशमा पछिल्लो २४ घण्टामा ४ हजार ६५५ जनामा कोरोना संक्रमण पुष्टि भएको छ ।
संक्रमण पुष्टि हुनेमा काठमाडौैका २ हजार ७८८ जना, ललितपुरका ६०२ जना, भक्तपुरका ५३७ जना, रसुवाका १ जना, नुवाकोटका ७३ जना, धादिङका ११५ जना, चितवनका १२४ जना, सिन्धुलीका ४७ जना, मकवानपुरका ११६ जना, रामेछाप २४ जना, दोलखाका १५ जना, काभ्रे १५५ जना र सिन्धुपाल्चोकका ५८ जना छन् ।
बागमती प्रदेशमा सक्रिय संक्रमितको संख्या ५३ हजार ३७५ जना छन् । संक्रमितमध्ये संस्थागत आइसोलेसनमा २ हजार ४८१ जना, विभिन्न अस्पतालले संचालन गरेको एचडियूमा ३७८ जना, आइसीयूमा ६९८ जना, भेन्टिलेटरमा २२० जना उपचाररत रहेका छन् ।
