राष्ट्रपति भण्डारीकाे आरोप, तपाईं सिनियर नेता भएर पनि पार्टी जोगाउनेगरी पहल गर्नु भएन

काठमाडौं । राष्ट्रपति विद्यादेवी भण्डारीले नेकपा एमालेका वरिष्ठ नेता माधवकुमार नेपाललाई सिनियर नेता भएरपनि पार्टी जोगाउनेगरी पहल नगरेकाे आरोप लगाएकी छन् ।

बिहीबार साँझ राष्ट्रपति विद्यादेवी भण्डारीलाई भेट्न शितलनिवास पुगेका नेता नेपाललाई भण्डारीले यस्ताे आरोप लगाएकी हुन् ।

राष्ट्रपति भण्डारीले नेता नेपालसँग पार्टी एकता जोगाउन पहल नलिएको गुनासो गर्दै ‘तपाईं सिनियर नेता हुनुहुन्छ । तर पार्टी जोगाउनेगरी पहल लिनु भएन’, भनिन् ।

तर यता नेता माधवकुमार नेपालले भने अध्यक्ष केपी शर्मा ओलीले पहल नगरेकाले एमाले यो अवस्थामा आइपुगेकोआरोप लगाएका छन्।

स्रोतका अनुसार नेता नेपालले उल्टै ‘केपी ओली एक्लै चल्ने अनि मलाई दोष दिएर हुन्छ ?’ भनी प्रश्न गरेका थिए ।  ‘म पार्टी प्रमुख हुँदा कहिल्यै यस्तो गरेको थिएँ ? मिलाएकै थिएँ’, नेता नेपाल भने ।

नेता नेपालले २ जेठ २०७५ अगाडिकै एमाले पार्टी संरचना, विधान र नेतृत्वमा फर्किनुपर्ने आफ्नो बटमलाइन भएको बताए ।