काठमाडौँ । नेपालमा कोरोना भाइरस संक्रमितको संख्यामा उकालो लाग्ने क्रम उच्च रहेको छ । कोरोनाको दोस्रो लहर सुरुभएपछि आज अहिलेसम्मकै धेरै संक्रमितको संख्या झण्डै पाँच हजार नजिक रहेको छ। नेपालमा कोरोना संक्रमितको संख्या पहिलोपटक यति धेरै भएको हो।
यसैबीच, आज पछिल्लो २४ घण्टामा थप ४ हजार ९२८ जनामा संक्रमण पुष्टि भएको छ । १२ हजार ५९७ जनामा पीसीआर परीक्षण र ९६३ जनामा एन्टीजेन परीक्षण गर्दा क्रमशः ४८३१ र ९७ जनामा संक्रमण पुष्टि भएको हो । योसँगै नेपालमा कोरोना संक्रमितको कुल संख्या ३ लाख १७ हजार ५३० पुगेको स्वास्थ्य तथा जनसंख्या मन्त्रालयले जनाएको छ।
यस्तै, पछिल्लो २४ घण्टामा ८८८ जना संक्रमणमुक्त भइ डिस्चार्ज भएको मन्त्रालयले जनाएको छ । यो संगै नेपालमा हालसम्म २ लख ८० हजार १६७ जना डिस्चार्ज भएका छन् । आज कोरोना भाइरस संक्रमणबाट मृत्यु हुनेको संख्या हालसम्मकै उच्च ३५ रहेको छ । योसँगै हालसम्म मृत्यु हुनेको सङ्ख्या ३ हजार २४६ पुगेको छ ।
हिजो नेपालमा ४८९७ जना थपिएका थिए।
