ओलीको ब्रिफिङ : धेरैजनाकाे स्पष्टीकरण जवाफ नरम आएकाे छ

काठमाडौं । प्रधानमन्त्रीको सरकारी निवास बालुवाटारमा बसेको नेकपा (एमाले) को दशौं महाधिवेश बैठकलाई सम्बोधन गर्दै नेकपा एमालेका अध्यक्ष केपी शर्मा ओलीले आफूले साेधेकाे स्पष्टीकरणको जवाफमा धेरैकाे जवाफ नरम रहेको बताएका छन् ।

ओलीले यसअघि आफूले माधव नेपालसहित उनी पक्षधर २७ जना प्रतिनिधि सभा सदस्यहरुलाई सोधेको स्पष्टीकरणको जवाफमा प्राप्त गरेकाहरुमध्ये धेरै जवाफ नरम रहेको बताएका हुन् ।

उनले गरेको ब्रिफिङअनुसार अहिलेसम्म योगेश भट्टराई, रामकुमारी झाँक्रीलगायत पाँच सांसदले स्पष्टीकरण पेस गरेका छैनन् ।

स्पष्टीकरणको जवाफ दिँदै सिन्धुलीका गणेश पहाडी र दाङका हिराचन्द्र केसीले भने मूलधारमा लाग्ने प्रतिबद्धता जनाउनुका साथै सुनसरीका जयकुमार राई, पाल्पाका सोम पाण्डे र रौतहटकी कल्याणी खड्काले नरम रुपमा जवाफ फर्काएको पनि उनले जानकारी दिएका छन् ।