कर्णालीमा फ्लोर क्रस गर्ने चार सांसद पार्टीबाट निश्कासित, कारबाहीको पत्र सचिवालयमा

काठमाडौं । नेकपा (एमाले) को महाअधिवेशन आयोजक कमिटी बैठकले कर्णाली प्रदेशसभामा फ्लोर क्रस गर्ने चारजना सांसदलाई पार्टी र संसद सदस्य नरहने गरी कारवाही गरेको छ ।

बैठकले आजै प्रदेश सचिवालयलाई पत्राचार गरिसकेको छ ।

प्रधानमन्त्रीको सरकारी निवास बालुवाटारमा बसेको बैठकले कर्णालीका मुख्यमन्त्री महेन्द्र बहादुर शाही नेतृत्वको सरकार जोगाउन पार्टी निर्देशनविपरीत ह्वीप उल्लंघन गरेकाे भन्दै उनीहरुलाई पार्टी र प्रदेश सभा सदस्य नरहने गरि कारवाही गर्ने निर्णय गरेको हो ।बैठकले आजै प्रदेश सचिवालयलाई पत्राचार गरिसकेको छ ।

गतसाता पार्टीको ह्वीप उल्लंघन गर्दै कर्णाली प्रदेशका सांसद प्रकाश ज्वाला, कुर्मराज शाही, नन्दसिंह बुढा र अमरबहादुर थापाले मुख्यमन्त्री महेन्द्रबहादुर शाहीलाई विश्वासको मत दिएका थिए ।