राष्ट्रपतिद्वारा सेतो मच्छेन्द्रनाथको दर्शन (फोटोफिचर)

काठमाडौँ। राष्ट्रपति विद्यादेवी भण्डारीले मङ्गलबार काठमाडौँको असनमा सेतो मच्छिन्द्रनाथको रथजात्राको पूजा गरेकी छिन्। 

प्रत्येक वर्ष चैत्र शुक्ल अष्टमीका दिन दरबारमार्गस्थित तीनधारा पाठशाला परिसरबाट वर्षा र सहकालका देवता सेतो मच्छेन्द्रनाथको रथ तानेर असन ल्याइन्छ ।

रथ तानेर असनमा ल्याएको राति राष्ट्राध्यक्षले असनमै पुगेर पूजा एवं दर्शन गरी प्रसाद ग्रहण गर्ने परम्परा छ ।

राजतन्त्र हुँदा राजा दर्शनका लागि आउने गरेकामा गणतन्त्र स्थापनापछि राष्ट्रपतिबाट निरन्तरता दिने क्रम शुरु भएको थियो।