लुम्बिनी प्रदेशका नवनियुक्त मन्त्रीहरुद्वारा पद तथा गोपनीयताको शपथ ग्रहण

 बुटवल । लुम्बिनी प्रदेशका नवनियुक्त ४ मन्त्रीहरुलाई प्रदेश प्रमुख धर्मनाथ यादवले पद तथा गोपनीयताको शपथ दिलाएका छन् ।

प्रमुख यादवले नवनियुक्त मन्त्रीहरु विजय यादव, सन्तोष पाण्डे, सुमन रायमाझी, कल्पना पाण्डेलाई पद तथा गोपनीयताको शपथ दिलाएका स्राेतले बताएकाे छ । उनीहरु जसपाका सांसद हुन् ।  

सोमबार  सरकार विरुद्ध अविश्वास प्रस्ताव दर्ता भएलगत्तै मुख्यमन्त्री शंकर पोखरेलले मन्त्रिमण्डल पुनर्गठन गरेका हुन् ।

सोमवारै कांग्रेस, माओवादी केन्द्र र जनता समाजवादी पार्टीका सांसदले मुख्यमन्त्री शंकर पोखरेलविरूद्ध अविश्वास प्रस्ताव दर्ता गराएसँगै पोखरेल र माओवादी मन्त्रीहरु नेकपा माओवादी सरकारबाट बाहिरिका थिए ।