देशलाई निकास दिनसक्ने क्षमता कांग्रेससँग मात्र भएकाे शेखर कोइरालाकाे दावी

काठमाडौं । नेपाली कांग्रेसका केन्द्रीय सदस्य शेखर कोइरालाले देशलाई निकास दिनसक्ने क्षमता कांग्रेससँग मात्र भएकाे दावी गरेका छन् ।

कांग्रेसको नेतृत्वमा चुनावी सरकार गठन गरी आगामी मंसिर वा चैतमा निर्वाचनमा जानुपर्ने बताउँदै देश अप्ठ्यारो अवस्थाबाट गुर्जिरहेकाले निकास दिने जिम्मेवारी कांग्रेसको काँधमा आएको बताएका छन् ।

सत्तारूढ नेकपा एमालेभित्रको गुटबन्दीका कारण संसद अनिर्णयको बन्दी बनेको दाबी गर्दै उनले संसदीय व्यवस्थामा विश्वास गर्ने पार्टी कांग्रेस मात्रै भएकाे बताएका छन् ।

उनले भने, ‘देशलाई निकास दिने काम कांग्रेसले मात्र गर्न सक्छ, त्यो निकासका लागि कांग्रेस नेतृत्वमा सरकार बनाइकन निर्वाचनमा जानु उत्तम उपाय हो।’

सरकारले विजनेश नदिएकाले संसद अनिर्णयको बन्दी बनेको र सभामुख केही गर्न नसक्ने अवस्थामा रहेकाले संसदको कार्यकाल पूरा गर्न दिने वा कसरी जाने भन्ने सवाल महत्वपूर्ण रहेको कोइरालाको भनाइ छ।