ओलीविरुद्ध अविश्वासको प्रस्ताव दर्ता गर्न देउवालाई बाबुरामको प्रस्ताव

काठमाडौं । प्रधानमन्त्री केपी शर्मा ओलीविरुद्ध अविश्वासको प्रस्ताव दर्ताका लागि काँग्रेस सभापति शेरबहादुर देउवालाई  जनता समाजवादी पार्टी (जसपा) का नेताले आग्रह गरेका छन् ।

जसपाका अध्यक्ष उपेन्द्र यादव र संघीय परिषद्का अध्यक्ष डा. बाबुराम भट्टराईले देउवालाई सरकारविरुद्ध अविश्वासको प्रस्ताव दर्ता गर्न आग्रह गरेका हुन् ।

जसपाले काँग्रेसलाई अग्रसरता लिन आग्रह गर्दै यदि आफूले अविश्वासको प्रस्ताव दर्ता नगर्ने हो भने जसपालाई साथ दिन समेत अनुराेध गरेकाे छ।

चैत २७ गते काँग्रेस र माओवादीसँग भएको छलफलमा जसपाका नेताहरुले आफ्नो पार्टीमा छलफल गरेर मात्रै सत्ता समीकरणबारे निर्णय दिने बताएका थिए ।