प्रचण्डले भने संविधान मिच्ने ओली सरकार धेरै दिन चल्दैन

काठमाडौं । नेकपा माओवादी केन्द्रका अध्यक्ष प्रचण्डले  संविधान मिच्ने ओली नेतृत्वको सरकार धेरै दिन नचल्ने बताएका छन् ।

आज  नेपाल राष्ट्रिय कर्मचारी संगठनको  बबरमहलमा आयोजित  चौथो केन्द्रीय परिषद् बैठकलाई सम्बोधन गर्दै अध्यक्ष प्रचण्डले संविधान कुल्चने सरकारलाई अब धेरै समय नराख्ने बताएका हुन् ।
 प्रचण्डले  प्रधानमन्त्री को हुने भन्नेकुरा मुख्य नभएको बताउँदै संविधान मिच्ने सरकार हटाउनु पहिलो प्राथकिता रहेको बताए । उनले सरकार संविधानको पालनाप्रति इमान्दार हुनुपर्ने बताए । ‘प्रधानमन्त्री को बन्ने भन्दा पनि सरकार संविधानप्रति इमान्दार र निष्ठावान हुनुपर्‍यो, संविधान मिच्ने सरकार हटाइदिनु पर्‍यो भन्ने आजको आवश्यकता हो’, अध्यक्ष प्रचण्डले भने ।

उनले संविधानविरोधी सरकारविरुद्ध सामूहिक रुपमा आवाज उठाउन आग्रह समेत गरेका छन् । उनले सरकारले कर्मचारी संगठनलाई विकेन्द्रित बनाएर कमजोर बनाउने काम भएको बताए । ‘यो सरकार अब धेरै दिन चल्दैन, नयाँ सरकार बनेपछि तपाईहरुले उठाउने मागहरुलाई मेरो साथ सहयोग र समर्थन रहनेछ’, उनले भने ।