परराष्ट्रमन्त्रीद्धारा खोप आपूर्ति सहजीकरणका लागि भारतीय विदेशमन्त्रीसँग आग्रह

काठमाडौं। कोरोना विरुद्धको खोप आपूर्ति सहज बनाइदिन सरकारले छिमेकी राष्ट्र भारतलाई आग्रह गरेको छ । खोप आपूर्ति ढिलाइ भएपछि सरकारले भारतसँग कूटनीतिक पहल थालेको हो ।

हिजो (शुक्रबार) परराष्ट्रमन्त्री प्रदीप ज्ञवालीले भारतीय समकक्षी डा. एस जयशंकरसँग  टेलिफोन संवाद गरी १० लाख डोज कोभिसिल्ड खोप आपूर्तिमा सहजीकरणका लागि आग्रह गरेका छन् ।

 भारतीय विदेशमन्त्री जयशंकरले जवाफमा कोरोना भाइरस विरुद्ध प्रतिकार्यका लागि नेपाललाई खोप आपूर्ति तथा अन्य सहयोग गर्ने वचन दिएका हुन् ।
मन्त्रीद्वयबीच कोरोना भाइरसविरुद्ध संयुक्त रूपमा कसरी लड्ने र त्यसका लागि एकआपसमा सहयोगको आदानप्रदान कसरी गर्ने भन्ने विषयमा समझदारी भएको परराष्ट्र मन्त्रालयले जनाएको छ ।

 यो हेर्नुस् परराष्ट्रको विज्ञप्ति बिस्तृतमा