प्रचण्डकाे आत्मआलोचना, आफूलाई दु:खमा बचाउने नेता कार्यकर्तालाई पछिपारे

काठमाडौँ । मंगलबार रूकुम पश्चिममा भएको जनप्रशिक्षण कार्यक्रममा बाेल्दै नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफूलाई दु:खमा बचाउने नेता तथा कार्यकर्ता पछि परेकोमा आत्मआलोचना गरेका छन् । 

प्रचण्डले म आत्मआलोचना गर्न आएको हुँ भन्दै मलाई दु:खमा बचाउने र सहयोग गर्ने तथा अप्ठरो पर्दा प्रचण्ड भन्नेहरू ओझेलमा परेका र जाली, फटाहले भाउ पाएकाे दुखेसाे व्यक्त गरेका छन् ।

उनले पार्टी छाडेर गएका र पुन: फर्केकाहरूलाई आफूले माथिल्लो तहमा जिम्मेवारी दिनु गल्ती भएको पनि बताए।

उनले पार्टी विभाजन गरेर जानेलाई माथिल्लो तहमा जिम्मा दिएकाे र ०७० सालको चुनावमा ममाथि बम प्रहार गर्ने साथीहरूलाई गृहमन्त्री बनाएर गल्ती गरेकाे बताएका छन् ।

सहिद परिवार ओझेलमा परेकाे भन्दै अब इमान्दार कार्यकर्ता र हिजो युद्धमा लागेकालाई अगाडि बढाउने संकल्प गरेका छन् ।

आफू जनताका काखमा गएर प्रतिगमनकारीलाई चुनौती दिने आँट आफूमा भएको उनले बताएका छन् ।