प्रतिनिधिसभा बैठक बस्नुअघि सभामुख र प्रमुख सचेतकहरुबीच छलफल हुने

काठमाडौँ । प्रतिनिधिसभा बैठक आज दिउँसो १ बजे बस्ने भएपछि बैठकअघि सभामुख अग्नि सापकोटाले प्रमुख राजनीतिक दलका प्रमुख सचेतकहरूसँग छलफल गर्ने भएका छन् ।

आजकाे बैठकमा संसदीय समिति तथा अख्तियार दुरुपयोग अनुसन्धान आयोगको वार्षिक कार्यसूची पेश गर्ने सम्भावित कार्यसूची छ । त्यस्तै प्रधानमन्त्री ओलीका तर्फबाट अख्तियार दुरुपयोग अनुसन्धान आयोगको आर्थिक वर्ष २०७६/७७ को वार्षिक प्रतिवेदन पेश गर्ने तय भएको छ ।

साथै सार्वजनिक लेखा समितिका सभापति भरतकुमार शाहले सार्वजनिक लेखा समितिको वार्षिक प्रतिवेदन २०७७ पेश गर्ने, राज्यव्यवस्था तथा सुशासन समितिका सभापति शशी श्रेष्ठले संघीय निजामति सेवा विधेयकसम्बन्धी समितिको प्रतिवेदन २०७७ पेश गर्ने सम्भावित कार्यसूची रहेको स्राेतले जानकारी दिएकाे छ ।