पूर्वाधार विकास मन्त्री लम्सालले सचिवलाई रोकेर सल्लाहकारलाई अमेरिका पठाए

काठमाडौं । वालेन्द्र शाह नेतृत्वको सरकारका मन्त्रीहरुले सचिव जानुपर्ने कार्यक्रममा सल्लाहकार र पीए पठाउन थालेका छन् । पूर्वाधार विकास मन्त्री सुनिल लम्सालले मन्त्रालयका सचिव जानुपर्ने कार्यक्रममा आफ्ना सल्लाहकार सन्तोष पाण्डेलाई पठाएका छन् ।

अमेरिकाको न्यूयोर्कमा आयोजित संयुक्त राष्ट्रसंघीय बसोबास (युएन हेबिट्याट) सम्बन्धी कार्यक्रममा मन्त्रालयका सचिव गोपाल सिग्देल नै जानुपर्ने थियो । तर मन्त्री लम्सालले आफ्नै सचिवालयका सचिव सन्तोष पाण्डेलाई पठाएका छन् ।

यसअघि भएका उक्त कार्यक्रममा तत्कालीन सहरी विकास मन्त्रालयका मन्त्री र सचिवले प्रतिनिधित्व गर्र्दैआएका थिए । तर यो बर्षको कार्यक्रममा मन्त्री लम्सालले सचिवलाई रोकेर सल्लाहकार पाण्डेलाई पठाएका छन् ।

पाण्डे न्युयोर्कमा पुगेर कार्यक्रममा भाग लिएर स्वदेश फर्किसकेका छन् । सो कार्यक्रम असार ३१ देखि साउन २ गते ९जुलाई १५, १६, १७ र १८० सम्म आयोजना गरिएको थियो । सबैका लागि आवास र पर्याप्त आवास विषयमा छलफल गर्न उक्त कार्यक्रम आयोजना गरिएको हो । यो कार्यक्रम प्रत्येक बर्ष हुन्छ ।