नेपालफेसमा प्रकाशित समाचारको यमुना केसीद्वारा खण्डन

नेपाल फेस डटकममामा २०८३ असार १२ मा प्रकाशित ‘प्रहरीमा लेखापाल सरूवाको तयारी, बालुवाटार र गृहको हस्तक्षेप नहुँदा पनि बोलकबोल कायमै’ शीर्षकको समाचारमा मेरो नामसमेत जोडेर प्रकाशित गरिएका सामग्रीप्रति मेरो गम्भीर आपत्ति, असहमति तथा खेद व्यक्त गर्दछु ।

उक्त समाचारमा मसँग सम्बन्धित भनी उल्लेख गरिएका विषयवस्तुहरू पूर्णरूपमा झुटो, आधारहीन, भ्रामक, कपोलकल्पित तथा मेरो चरित्र र प्रतिष्ठामा आँच पुर्याउने नियतले प्रकाशित गरिएको स्पष्ट गर्न चाहन्छु । समाचारमा लगाइएका आरोप, संकेत तथा दाबीहरूसँग मेरो कुनै प्रकारको प्रत्यक्ष वा अप्रत्यक्ष संलग्नता, सहभागिता वा सम्बन्ध छैन ।

झन् गम्भीर विषय के छ भने, यति संवेदनशील समाचार प्रकाशन गर्नुअघि पत्रकारिताको सामान्य मान्यता, सत्यापनको सिद्धान्त तथा पत्रकार आचारसंहिताअनुसार मसँग कुनै प्रतिक्रिया, धारणा वा स्पष्टीकरण लिन आवश्यक ठानिएन । यसले उक्त समाचार पूर्वाग्रही, एकपक्षीय र नियोजित रूपमा प्रकाशित भएको देखाउँछ ।

तथ्यहीन र अपुष्ट सामग्री प्रकाशन गरी मेरो व्यक्तिगत प्रतिष्ठा, सामाजिक छवि, मान(सम्मान तथा व्यावसायिक जीवनमा गम्भीर क्षति पुन्याउने कार्य गरिएको हुँदा म यसलाई पत्रकारिताको मर्यादा, प्रेस स्वतन्त्रताको दुरूपयोग तथा व्यक्तिको संवैधानिक प्रतिष्ठामाथिको प्रहार को रूपमा लिएको छु ।

अतः पत्रकार आचारसंहिता, २०७३ (पहिलो संशोधन, २०७६) बमोजिम निम्न माग गर्दछु, प्रहरीमा लेखापाल सरूवाको तयारी, बालुवाटार र गृहको हस्तक्षेप नहुँदा पनि बोलकबोल कायमै ।’ शीर्षकमा प्रकाशित समाचारमा मेरो नाम जोडेर प्रस्तुत गरिएका सम्पूर्ण सामग्री झुटो, भ्रामक र तथ्यहीन रहेको स्पष्ट उल्लेख गरी तत्काल खण्डन प्रकाशित÷प्रसारित गरियोस् ।

२. मेरो यो खण्डन र आधिकारिक प्रतिक्रियालाई सोही प्राथमिकता, स्थान र महत्त्वका साथ प्रकाशित–प्रशारित गरियोस् ।

३. भविष्यमा तथ्य पुष्टि नगरी, कुनै व्यक्तिको प्रतिष्ठामा आँच पुन्याउने, चरित्रहत्या गर्ने तथा एकपक्षीय सामग्री प्रकाशन नगर्ने प्रतिबद्धता जनाइयोस् ।

४. अन्यथा मेरो संवैधानिक तथा कानुनी अधिकारको प्रयोग गर्दे सम्बन्धित निकायमा थप कानुनी उपचार खोज्न बाध्य हुने व्यहोरा समेत जानकारी गराउन चाहन्छु ।
सत्य, निष्पक्षता र जिम्मेवार पत्रकारिताको मूल्य मान्यतालाई सम्मान गर्दै मेरो यो खण्डन यथाशीघ्र प्रकाशितरप्रसारित गरिदिन अनुरोध गर्दछु । –

यमुना के सी