प्रधानमन्त्रीले उचित समयमा विदेश भ्रमण सुरू गर्नुहुन्छ: परराष्ट्रमन्त्री खनाल

काठमाडौँ। परराष्ट्रमन्त्री शिशिर खनालले प्रधानमन्त्री बालेन शाहले उचित समयमा विदेश भ्रमण गर्ने बताएका छन्।

भारत भ्रमणमा रहेका परराष्ट्रमन्त्री खनालले आइतबार दिउँसो दिल्लीस्थित नेपाली दूतावासमा गरेको पत्रकार सम्मेलनमा एक पत्रकारले प्रधानमन्त्रीको भारत र विदेश भ्रमणबारे प्रश्न सोधेका थिए।

जबाफमा मन्त्री खनालले आर्थिक वर्षको अन्त्यतिर सरकार गठन भएको र छोटो समयमा नागरिकले महशुस गर्ने गरी काम गर्नुपर्ने जिम्मेवारी सरकार

‘बजेट ल्याउनुपर्ने समय थियो। जनताले यति धेरै मत दिनुभएकाले छोटो समयमा परिणाम देखिने गरी काम गर्नुपर्ने अवस्था छ। अहिले सरकारको हनिमुन पिरियड पनि सकिएको छैन। काम गरेर देखाउन प्रधानमन्त्री प्रतिबद्ध हुनुहुन्छ,’ उनले भने ।

यद्यपि आवश्यक समयमा प्रधानमन्त्रीले भारत भ्रमण गर्ने उनले बताए। ‘तर उचित समय आएका बेला उहाँले भ्रमण सुरू गर्नुहुन्छ,’ उनले भने।