नयाँ सरकार आए पनि तस्करी उस्तै, सशस्त्रका घुमुवाको सेटिङ

काठमाडौं । नयाँ सरकार बनेपछि भारतीय सीमा क्षेत्रबाट हुँदैआएको भन्सारछली नियन्त्रण हुने अपेक्षा गरिए पनि त्यो रोकिन सकेको छैन । सर्लाहीको छतौना, बहादुरपुर, मधुवनीबाट निर्वाध तस्करी भइरहेको छ ।

सशस्त्र प्रहरी बल छतौना बीओपीलाई समेत मिलाएर भारतबाट बुधु यादव र राजेश ठाकुरले पटाकाको तस्करी गर्दैगरेको भिडियो नै प्राप्त भएको छ । छतौनाबाट तस्करीको पटाका ल्याउँदै गरेको भिडियो नै प्राप्त भएकाले तस्करी नयाँ सरकार आएपछि पनि निर्वाध भइरहेको पुष्टि गरेको छ ।

रौतहट र सर्लाही तस्करीको संजाल चलाउने दर्जाले सहायक हवल्दार रोशन मिश्राकै सेटिङमा बुदु यादव र राजेश ठाकुरले भारतबाट पटाका ल्याउने गरेका छन् । तिहारताका पटाका ल्याउन रोक लाग्ने भएकाले आहिलेदेखि पटाका तस्करी गरी पछि महंगोमा बिक्री गर्ने गरिएकोा स्रोत बताउँछ ।

मधेश प्रदेशका डीआईजी कृष्ण ढकाल र सशस्त्र प्रहरी बलका एक एआईजीको संरक्षणप्राप्त मिश्र दरबन्दी सशस्त्र मुख्यालयमा भए पनि प्रायः मधेश प्रदेशका सर्लाही र रौतहटमै तस्करीको सेटिङ मिलाउन पुग्ने गरेका छन् ।

रौतहटको तस्करीको चिनी बरामदपछि लुकाएपछि मुख्यालय तानिएका मिश्र नेपालमा डेढ करोड भन्दा बढी मूल्य पर्ने भारतीय नम्बर प्लेटको गाडीमा सवार भई तस्करीको सेटिङ मिलाउन जाने गरेको स्रोत बताउँछ ।

सहायक हवल्दार दर्जा भएर पनि थार गाडीमा त्यो पनि भारतीय नम्बर प्लेटको चढ्ने गरेका मिश्रको सानसौकत एसपीभन्दा माथिको जस्तो छ, रौतहट,बारा र सर्लाहीमा । डीआईजीदेखि एआईजीसम्मलाई मिसाउन सक्ने खुबी भएका उनलाई सशस्त्र मुख्यालयमा ड्युटीमै नराखी मधेशमा असुलीमा लगाइएको छ ।

सर्लाहीको छतौना क्षेत्रबाट यसरी हुँदैआएको छ तस्करी