सरकारलाई खुस्बु ओलीको प्रश्नः मूल्य नियन्त्रण गर्न असफल भएको हो ?

काठमाडौं । राष्ट्रिय प्रजातन्त्र पार्टीकी सांसद खुस्बु ओलीले सरकारले भन्सार महसुल र पूर्वाधार विकास करमा ५० प्रतिशतसम्म छुट दिए पनि पेट्रोलियम पदार्थको निरन्तर मूल्यबृद्धि किन भइरहेको छ भनेर प्रश्न गरेकी छन् ।

खुस्बुको प्रश्न छ–‘मूल्यवृद्धि निरन्तर भइरहँदा पनि निगमले अझै अर्बौं घाटाको कुरा गर्छ, यो व्यवस्थापनको कमजोरी हो कि नीतिगत असफलता हो ?’

उनी सामाजिक संजालमा लेख्छिन्–‘सरकारले भन्सार महसुल र पूर्वाधार विकास करमा ५० प्रतिशतसम्म छुट दिए पनि त्यसको प्रत्यक्ष लाभ जनताले महसुस गर्न सकेका छैनन् । मूल्यवृद्धि निरन्तर भइरहँदा पनि निगमले अझै अर्बौं घाटाको कुरा गर्छ, यो व्यवस्थापनको कमजोरी हो कि नीतिगत असफलता ?

प्रश्न सीधा छ, जब करमा छुट दिइएको छ भने किन बजारमा मूल्य घट्दैन ? किन सरकार जनतालाई राहत दिने गरी मूल्य नियन्त्रण गर्न असफल हुन्छ ?
जनताको जीवनसँग प्रत्यक्ष जोडिएको विषयमा सरकारको भूमिका केवल घोषणा गर्ने होइन, प्रभावकारी कार्यान्वयन सुनिश्चित गर्ने हुनुपर्छ ।’