श्रम, रोजगार तथा सामाजिक सुरक्षा मन्त्री दीपक कुमार साह बर्खास्त

काठमाडौँ । श्रम, रोजगार तथा सामाजिक सुरक्षा मन्त्री दीपककुमार साहलाई पदबाट बर्खास्त गर्ने निर्णय गरिएको छ ।

स्रोतका अनुसार उनलाई हटाउने निर्णय भइसकेको छ भने औपचारिक घोषणा भने हुन बाँकी रहेको छ । उनी मन्त्रालय आएका छैनन् ।

स्वास्थ्य बीमा बोर्डमा गरिएको विवादास्पद सदस्य नियुक्ति प्रकरणपछि मन्त्री शाहको भूमिकामाथि प्रश्न उठ्दै आएको थियो । सोही प्रकरणसँग जोडिएर चर्किएको आलोचना र राजनीतिक दबाबका बीच उनलाई पदबाट हटाउने निष्कर्षमा सरकार पुगेको स्रोतले जनाएको छ ।

यसअघि सत्तारूढ राष्ट्रिय स्वतन्त्र पार्टी (रास्वपा) भित्रै मन्त्री शाहलाई पदबाट फिर्ता बोलाउनेबारे छलफल भइरहेको थियो ।

मन्त्री शाहकी पत्नी जुनु श्रेष्ठलाई स्वास्थ्य बीमा बोर्ड सदस्यमा पुनः नियुक्ति दिएपछि प्रकरण बाहिरिएको हो ।