बालुवाटारमा एमाले संसदीय दलको बैठक बस्दै

काठमाडौं । नेपाल कम्युनिष्ट पार्टी (नेकपा) एमालेको संसदीय दलको बैठक आज बस्दै छ ।

बैठक आज बिहान ११ बजे प्रधानमन्त्री निवास बालुवाटारमा बस्ने एमालेका प्रमुख सचेतक  विशाल भट्टराईले जानकारी दिए ।

नेता भट्टराईका अनुसार सूर्य चिन्हबाट चुनाव लडेका सबैलाई बैठकमा बोलाइएको छ । 

तर, आजको बैठकमा माधव नेपाल पक्षले उपस्थिति जनाउन नसकिने भन्दै बैठकमा नजाने घोषणा गरिसकेको छ । ललितपुरको सानेपामा हिजोदेखि आजसम्म चलिरहेको राष्ट्रिय कार्यकर्ता भेलाले आफुहरु जान नसक्ने नेपाल पक्षका नेता योगेश भट्टराईले जानकारी दिए । 

पार्टीभित्र आन्तरिक द्वन्द चर्किरहेका बेला प्रधानमन्त्री एवम् संसदीय दलका नेता केपी शर्मा ओलीले बैठक बोलाएका हुन् ।