सानेपामा नेपाल पक्षको राष्ट्रिय कार्यकर्ता भेला सुरु

काठमाडौँ। नेपाल कम्युनिष्ट पार्टी नेकपा एमालेको नेपाल पक्षको राष्ट्रिय कार्यकर्ता भेला सुरु भएको छ।

भेलामा माधव नेपाल, झलनाथ खनाल, भीम रावल, अष्टलक्ष्मी शाक्य, गोकर्ण विष्टलगायत नेताहरु सहभागी छन् ।

पार्टी अध्यक्ष केपी शर्मा ओलीले आफुहरुलाई पेलेर जाने रणनीति गरेपछि नेपाल पक्षले समानान्तर गतिविधि अगाडि बढाउँदै आज आफ्नो पक्षको भेला गरेको बताएको छ।

दुईदिनसम्म चल्ने भेलाको सम्पूर्ण तयारी पूरा भइसकेको र नेता कार्यकर्ताहरु राजधानी आइपुगिसकेको उक्त पक्षले जनाएको छ । भेलामा अगुवा नेता तथा कार्यकर्ता सहभागी हुने छन् ।

एमाले सचिव योगेश भट्टराईले राष्ट्रिय कार्यकर्ता भेलामा पार्टीलाई सुदृढ, एकताबद्ध, क्रियाशील र विधान सम्मतरुपमा अघि बढाउने सम्बन्धमा व्यापक छलफल हुने बताए ।

ललितपुरको सानेपास्थित हेरिटेज गार्डेनमा राखिएको भेला भोलिसम्म चल्ने छ।