राष्ट्रपतिले बोलाएको सर्वदलीय बैठकमा नेपाल, खनाल र डा.भट्टराई पनि गएनन्

काठमाडौँ । राष्ट्रपति विद्यादेवी भण्डारीले बोलाएको सर्वदलीय बैठक शीतल निवासमा बसेको छ ।

बैठकमा नेपाली कांग्रेसका सभापति एवम् पूर्वप्रधानमन्त्री शेरबहादुर देउवा, नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’,मन्त्रिपरिषद्का पूर्वअध्यक्ष खिलराज रेग्मी लगायतको सहभागी भएका छन् ।

यद्दपी आजको पूर्वप्रधानमन्त्रीसहित संसदमा प्रतिनिधित्व गर्ने दलका शीर्ष नेताालाई बोलाइएको बैठकमा पूर्व प्रधानमन्त्रीद्वय माधव नेपाल र झलनाथ खनाल भने बैठकमा उपस्थित भएका छैनन् । उनीहरुले भोलि र पर्सिको राष्ट्रिय कार्यकर्ता भेलाको तयारी गर्नुपर्ने भएकाले आज बोलाइएको बैठकमा सहभागी हुन नभ्याउने जनाएका थिए ।

त्यस्तै, पूर्वप्रधानमन्त्री एवं जसपाका नेता बाबुराम भट्टराई स्वास्थ्य अवस्थाका कारण बैठकमा सहभागी हुन नसकेको उनी निकट स्रोतले जनाएको छ।

बैठकमा उपस्थित भएका नेताहरूको नाम यसप्रकार रहेको छ :

नेकपा एमाले

केपी शर्मा ओली
ईश्वर पोखरेल
सुवास नेम्वाङ

विष्णु पौडेल
रामबहादुर थापा

नेकपा माओवादी केन्द्र:

पुष्पकम दाहाल ‘प्रचण्ड’
नारायणकाजी श्रेष्ठ
देव गुरुङ

नेपाली कांग्रेस:

शेरबहादुर देउवा
रामचन्द्र पौडेल
विमलेन्द्र निधी
शशांक कोइाराला

जनता समाजवादी पार्टी (जसपा):

महन्थ ठाकुर
उपेन्द्र यादव
राजेन्द्र महतो

राष्ट्रिय जनमोर्चा:

चित्रबहादुर केसी

राष्ट्र्रिय प्रजातन्त्र पार्टी (राप्रपा)

प्रकाशचन्द्र लोहनी

नेपाल किशन मजदुर पार्टी (नेमकिपा)

प्रेम सुवाल

मन्त्रिपरिषद्का पूर्व अध्यक्ष खिलराज रेग्मी

त्यस्तै, बैठकमा उपस्थित नभएका नेताहरूको नाम यसप्रकार रहेको छ :

माधव कुमार नेपाल

झलनाथ खनाल

डा. बाबुराम भट्टराई

समसामयिक राजनीतिक विषयवस्तु तथा देशको पछिल्लो राजनीतिक अवस्थाबारे छलफल गर्नका लागि राष्ट्रपति भण्डारीले संसद्‍मा प्रतिनिधित्व गर्ने सबै दलका नेताहरुलाई बोलाएकी हुन् । अहिले छलफल जारी रहेको छ।