विकल्प तयार नभएसम्म माओवादीले ओली सरकारलाई दिएको समर्थन फिर्ता नलिने

काठमाडौं । सर्वोच्च अदालतले एमाले र माओवादी केन्द्रको एकता खारेज गरेपछि दुवै पार्टी अलग अलग भएका छन् । माओवादीले पार्टी अलग भए पनि अर्को सरकारको बिकल्प तयार नभएसम्मको लागि ओली सरकारलाई दिएको समर्थन फिर्ता नलिने र संसदमा पनि सत्तापक्षकै लहरमा बस्ने भएको छ ।  

सर्वोच्च अदालतले पार्टी एकता खारेज गरेसँगै माओवादी केन्द्र पुनस्र्थापित भएपछि प्रतिनिधिसभामा कसरी प्रस्तुत हुने भन्ने विषयमा छलफल गर्न नेकपा माओवादी केन्द्रले संसदीय दलको बैठकबाट निर्णय गर्ने भएको छ ।

माओवादी केन्द्रको स्थायी समिति बैठक पनि आजै बोलाइएको छ । संसद सञ्चालन, सरकार र राजनीतिक प्रक्रियाबारे छलफल गर्न स्थायी समिति बैठक बोलाइएको माओवादी केन्द्रका प्रवक्ता नारायणकाजी श्रेष्ठले जनाकारी दिएका छन् ।