सुदर्शनलगायतका नेतालाई भेट्न विप्लव पुगे नख्खु कारागार

काठमाडौं । सुदर्शन लगाएका नेताहरुलाई भेट्न आज नेपाल कम्युनिष्ट पार्टीका महासचिव नेत्रविक्रम चन्द ‘विप्लव’  नख्खु कारागार पुगेका छन् । विप्लवले नख्खु कारागारमा रहेका हेमन्तप्रकाश ओली ‘सुदर्शन’ लगायतका नेता–कार्यकर्तासँग भेटेका छन् ।

आज मन्त्री निवास पुगेर गृहमन्त्री रामबहादुर थापा ‘बादल’ लाई भेटेपछि महासचिव विप्लव सिधै नख्खु कारागार गएर त्यहाँ रहेका वलीसहितका नेतासँग भेटवार्ता गरेका हुन् । विप्लवसँगै प्रवक्ता खड्गबहादु विश्वकर्मा ‘प्रकाण्ड’ र उदय चलाउने ‘दीपक’ पनि नख्खु कारगार पुगेका थिए ।

सरकार र विप्लव समूहबीच बिहीबार भएको तीन बुँदे सहमतिमा भएको थियो । उक्त सहमतिमा सरकार पक्षले पक्राउ गरेका नेकपाका सबै नेता–कार्यकर्तालाई रिहा गर्ने उल्लेख छ ।