प्रचण्ड–माधव पक्षका सांसदहरुको हस्ताक्षर संकलन

काठमाडौं । नेपाल कम्युनिस्ट पार्टी (नेकपा) दाहाल–नेपाल पक्षले सांसदहरुको हस्ताक्षर संकलन गरेको छ ।  संसदीय दलको बैठकअघि नै सो समूहले आफू पक्षीय सांसदहरुको हस्ताक्षर संकलन गरेको छ । सिंहदरबारस्थित संसदीय दलको कार्यालयमा २ बजेदेखि दाहाल–नेपाल पक्षको संसदीय दलको बैठक बसेको छ ।

दाहाल–नेपाल पक्षले नेकपाका ९२ सांसद आफ्नो पक्षमा रहेको दाबी गरिरहेको छ । आजको बैठकबाट उक्त समूहमा कति सासद छन् भन्ने स्पष्ट हुनेछ । 
निर्वाचन आयोगमा दाहाल–नेपाल समूहले पार्टीको आधिकारिकता दाबी गरिरहेको बेला संसदीय दलमा कसको बहुमत छ भन्ने विषयले अर्थ राख्छ ।

प्रतिनिधिसभामा नेकपाका १७३ सांसद रहेकोमा ओली पक्षले १ सय भन्दा आफ्नो पक्षमा रहेको दाबी गरेको छ । दाहाल–नेपाल पक्षले ९३ जना आफ्नो पक्षमा भएको भन्दैआएको छ । प्रधानमन्त्री ओलीले संसद बिघटन अघि २०७७ पुस ५ अघि सांसद पम्फा भूसाल र भीम रावल ९३ सांसदको हस्ताक्षर सहित राष्ट्रपति कार्यालयमा प्रधानमन्त्री बिरुद्धको अविश्वास प्रस्ताव ल्याउन प्रतिनिधिसभाको विशेष अधिवेशन डाक्नका लागि निवेदन दिन गएका थिए ।