कांग्रेस पदाधिकारी बैठक आज दिउँसो ३ बजे बस्दै

काठमाडौं। नेपाली कांग्रेसको पदाधिकारी बैठक आज दिउँसो ३ बजे बस्दैछ । पछिल्ला राजनीतिक घटनाक्रमका बारेमा छलफल गर्न पदाधिकारी बैठक बस्न लागेको मुख्य सचिव कृष्णप्रसाद पौडेलले जानकारी दिएका छन् ।

 देउवाले आफ्नै  निवास बूढानीलकण्ठमा पार्टीका पदाधिकारी, पूर्व पदाधिकारी तथा प्रभावशाली नेताहरुलाई छलफलका लागि बोलाएका हुन् ।  सभापति देउवाले प्रधानमन्त्रीको प्रस्ताव आए जिम्मेवारीबाट नहट्ने कुरा हिजो  चितवनको कार्यक्रममा बताएका  थिए ।

केहि दिनअघिसम्म सरकार गठनका लागि नेकपा फुट्नु पर्ने बताउँदै आएका देउवा अहिले जिम्मेवारीको प्रस्ताव आए कांग्रेस सरकारको नेतृत्व गर्न तयार रहेको बताउन थालेका छन् ।

नेपाली  काँग्रेस पार्टीका पदाधिकारी, पूर्व पदाधिकारी तथा प्रभावशाली नेताहरुसँग पछिल्लो समय विकसित राजनीतिक घटनाक्रमका बारेमा छलफल गर्ने र भावी योजना बनाउन बैठक बस्न लागेको सचिब पौडेलले बताएका छन् ।