विप्लव समूह र सरकारबीच औपचारिक वार्ता शुरु

काठमाडौं । सरकार र  ‘विप्लव’ नेतृत्वको नेपाल कम्युनिस्ट पार्टीबीच औपचारिक वार्ता सुरु भएको छ । आज प्रधानमन्त्री निवास बालुवाटारमा  वार्ता सुरु भएको बालुवाटार स्रोतले जनाएको छ ।

दुबै पक्षले मंगलबार आआफ्ना तर्फबाट दुई–दुई सदस्यीय वार्ता टोली गठन गरेका थिए । सरकारले गृहमन्त्री रामबहादुर थापा र प्रधानमन्त्रीका परराष्ट्र मामिला सल्लाहकार डा.राजन भट्टराई सम्मिलित वार्ता टोली गठन गरेको हो,भने बिप्लब समूहले खड्ग बहादुर विश्वकर्मा र उदय चलाउने रहेको दुई सदस्यीय वार्ता टोली गठन गरेको थियो ।

विप्लवको वार्ता टोलीका नेता सोमबार साँझै काठमाडौं भित्रिएका थिए । उनीहरूले मंगलबार साँझ टेलिफोनमार्फत सरकारी टोलीसँग अनौपचारिक संवाद गरेका थिए ।

प्रधानमन्त्री केपी शर्मा ओली नेतृत्वको सरकारले २०७५ फागुन २८ मा विप्लवको पार्टी र उसका गतिविधिमाथि प्रतिबन्ध लगाएको थियो।