समानुपातिक उम्मेदवारको बन्दसूचीमा छानबिन सुरु

काठमाडौं । निर्वाचन आयोगले समानुपातिक तर्फका उम्मेदवारको बन्दसूचीमाथि छानबिन प्रक्रिया सुरु गरेको छ। आयोगले दलहरूबाट प्राप्त बन्दसूचीको अध्ययन गरी नाम सहि(गलत भए हेर्न थालेको छ।

निर्वाचन आयोगका सहसचिव एवं प्रवक्ता नारायणप्रसाद भट्टराईका अनुसार, कानुनअनुसार क्लस्टर मिलाउने र उम्मेदवारको नामको समावेशरअसमावेश जाँच्ने काम सुरु गरिएको हो । आयोगले पुस २० गतेसम्म प्रारम्भिक अध्ययन पूरा गरी दलहरूलाई पत्राचार गर्नेछ ।

भट्टराईका अनुसार दलहरूले पुस २७ गतेसम्म आवश्यक संशोधन गर्न सक्नेछन् । उम्मेदवारले आफ्नो नाम फिर्ता लिन पुस २८ गतेसम्म समय पाउनेछन् । नाम फिर्ता लिएपछि खाली स्थानमा सोही समूहको अर्को उम्मेदवारको नामावली पेश गर्ने समय पुस ३० गते तोकिएको छ ।

आयोगको कार्यतालिका अनुसार, माघ ४ गते उम्मेदवारको बन्दसूची प्रारम्भिक रूपमा प्रकाशित हुनेछ। माघ ५ देखि १० गतेसम्म उम्मेदवारको योग्यता सम्बन्धी दावी–विरोधको निवेदन दिने व्यवस्था छ । माघ ११ देखि १७ गतेसम्म आयोगले निवेदनको जाँचबुझ गरी निर्णय गर्नेछ ।

अन्तिम उम्मेदवारको बन्दसूची माघ २० गते प्रकाशन हुनेछ । फागुन २१ गते बिहान ७ बजेदेखि बेलुकी ५ बजेसम्म सम्बन्धित मतदान केन्द्रमा मतदान हुने तालिका तय गरिएको छ ।