सरकारी टोलीद्वारा रास्वपा पार्टी कार्यालय अनुगमन

काठमाडौँ। सरकारद्वारा गठित राजनीतिक संवाद समितिको टोलीले जेन जेड आन्दोलनका क्रममा आगजनी भएका दलहरूको कार्यालय अनुगमन गरिरहेको छ ।

सोहीक्रममा टोली आज राष्ट्रिय स्वतन्त्र पार्टीको कार्यालय वनस्थली पुगेको छ । भदौ २३ र २४ गतेको जेन जेड आन्दोलनको क्रममा रास्वपाको कार्यालय भने जोगिएको थियो । अन्य सबै ठूला दलका कार्यालय भने ध्वस्त भएका छन् ।

यसअघि सरकारी टोलीले काँग्रेस, एमाले, नेकपासहितका दलको कार्यालय अनुगमन गरिसकेको छ ।

कानुन मन्त्री अनिलकुमार सिन्हा, सञ्चार मन्त्री जगदीश खरेल र प्रधानमन्त्रीका मुख्य सल्लाहकार अजयभद्र खनालसहितको टोली आज रास्वपा कार्यालय पुगेको हो । त्यहाँ टोलीले उपसभापति डीपी अर्यालसहित नेताहरूसँग संवाद गरेको छ ।