कांग्रेस–एमाले लक्षित रवि लामिछानेको टिप्पणीः यिनीहरूले धेरै अन्याय गरेका छन्, हिसाब गर्न बाँकी छ

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले कांग्रेस–एमालेले देशमाथि गरेको धेरै अन्याय गरेको बताएका छन् ।

उच्च अदालत तुलसीपुरको आदेशपछि आज कारागारमुक्त भएका लामिछानेले समर्थकहरुलाई सम्बोधन गर्दै भने–देशमाथि यिनीहरुले धेरै अन्याय गरेका छन् । ममाथि गरेको अन्याय त केही होइन । देश र ममाथि गरेको अन्यायको हिसाब गर्नु छ । न्याय पाउन बाँकी नै छ । केही समय धैर्य गर्नुहोला । धेरै कुरा भन्न बाँकी छ । धेरै बोल्ने दिन आउँदैछ ।’
यसैबीच, रवि पार्टीको मूल नेतृत्वमा फर्किने भएका छन् ।

कार्यवाहक सभापति डोलप्रसाद अर्यालले विज्ञप्ति जारी गर्दै लामिछाने पार्टीको मूल जिम्मेवारीमा फर्किने जानकारी गराएका हुन् ।

सहकारी ठगी तथा संगठित अपराधको मुद्दामा उच्च अदालत तुलसीपुरको बुटवल इजलासले धुनामुक्त गर्ने आदेश दिएसँगै लामिछाने शुक्रबार रिहा हुँदैछन् ।

हाल नख्खु कारागारमा रहेका लामिछाने आवश्यक कागजी प्रक्रिया मिलाउन भैरहवा जाँदैछन् । रुपन्देही जिल्ला अदालतबाट कागजी प्रक्रिया मिलाएपछि रिहा भएसँगै लामिछाने पार्टीको मूल जिम्मेवारीमा तत्काल फर्किने छन् ।

अर्यालले विज्ञप्ति जारी गर्दै भनेका छन्( ‘कानुनी र प्रशासनिक प्रक्रिया पूरा गरी सभापतिज्यू तत्काल पार्टीको मूल जिम्मेवारीमा फर्किनुहुने व्यहोरासमेत अवगत गराउँछौँ ।’

त्यस्तै उच्च अदालतको निर्णयलाई रास्वपाले स्वागत गरेको समेत उनले बताएका छन् । रवि कारागारमा हुँदा देशभरबाट सहयोग र सद्भाव राख्नेहरुप्रति रास्वपाले आभार व्यक्त गरेको छ ।

त्यतिमात्र नभइ तत्कालीन सरकारले रविमाथि प्रतिशोध साँधेको र वर्तमान अन्तरिम सरकारले न्यायिक पुनरावलोकनमार्फत् रविलाई न्याय दिने विश्वास समेत व्यक्त गरेका छन् ।