पोखरेल समूहबाट महासचिवमा सुरेन्द्र पाण्डे, उपाध्यक्षमा बिन्दा, गोकर्ण र परशु, उपमहासचिवमा योगेश भट्टराई

काठमाडौं । नेकपा (एमाले)को जारी ११ औं महाधिवेशनमा अध्यक्षका प्रत्यासी ईश्वर पोखरेल समूहबाट सुरेन्द्र पाण्डेले महासचिवमा उम्मेदवारी दिने भएका छन् ।

पोखेरलले प्यानलसहित उम्मेदवारी दिंदैछन् । केही पदाधिकारीको उम्मेदवार तय भइसकेको छ ।

महासचिवमा सुरेन्द्र पाण्डे, तीन उपाध्यक्षमा बिन्दा पाण्डे, गोकर्ण विष्ट र परशु मेघी गुरुङले उम्मेदवारी दिंदैछन् ।

यस्तै उपमहासचिवमा योगेश भट्टराईले उम्मेदवारी दिँदैछन् । उपमहासचिवमा थप दुई जनाको नाम टुंगिन बाँकी छ ।

कृष्णगोपाल श्रेष्ठ, गोकुल बाँस्कोटा, कर्ण थापा, ठाकुर गैरे, रचना खड्का, विनोद ढकाल र इन्द्रलाल सापकोटालाई सचिवको उम्मेदवार बनाउने गरी छलफल चलिरहेको छ ।

थप २ जना कसलाई बनाउने भन्नेबारे पनि पोखरेल समूहमा छलफल भइरहेको बताइएको छ ।