नेकपा स्थायी कमिटी वैठक पेरिसडाँडामा सुरु

काठमाडौं । पाल कम्युनिष्ट पार्टी (नेकपा) प्रचण्ड–नेपाल समूहको अहिले दिउँसो २ बजे स्थायी कमिटी बैठक बोलाएको छ ।

सर्वोच्च अदालतले संसद् पनर्स्थापनाको पक्षमा फैसला गरेपछि नेकपाले पार्टी केन्द्रीय कार्यालय पेरिसडाँडामा दिउँसो २ बजे स्थायी कमिटी बैठक बोलाएको पार्टी कार्यालयका सचिव श्रीराम ढकालले जानकारी दिएका छन् ।

प्रधानमन्त्री केपी शर्मा ओलीले गत पुस ५ गते प्रतिनिधि सभा विघटन गर्ने निर्णयलाई मंगलबार सर्वोच्च अदालतले बदर गरेपछि नेकपाको स्थायी समिति बैठक बस्न लागेको हो ।

‘उपत्यकामा उपलब्ध स्थायी समिति सदस्यलाई बोलाइएको छ’, ढकालले भने, ‘समसामयिक राजनीतिक विषयमा छलफल हुनेछ ।’ उनले बैठक अनौपचारिक हुने बताए । यसअघि आजै प्रधानमन्त्री ओली नेतृत्वको नेकपाको स्थायी समिति बैठक पनि प्रधानमन्त्री निवास बालुवाटारमा बसिरहेको छ ।