काभ्रे नाकामा फेरि जाँचियो २३ गाडी तरकारी-फलफूल, सबै उपभोग योग्य

काठमाडौँ । केही दिनअघि मात्र काभ्रेपलाञ्चोक नाकाबाट भित्रिएका २४ गाडीका तरकारी-फलफूल जाँच्दा सबै सुरक्षित भएको नतिजा आएको थियो।

फेरि २०८२ मंसिर १२ गते राति १०:३० देखि १३ गते बिहान ३:३० बजेसम्म काभ्रे नाकाबाटै आएका २३ वटा सवारी साधनका तरकारी–फलफूलको मोबाइल खाद्य प्रयोगशाला भ्यानले जाँच गर्दा पनि सबै ४१ नमुना पूर्ण रूपमा उपभोग्य योग्य रहेको खाद्य प्रविधि तथा गुण नियन्त्रण विभागले जनाएको छ।

यो पटक बन्दा, काउली, टमाटर, सुन्तला, क्याप्सिकम, काँक्रो, फर्सी, सिमी, साग, मूला, माछे खुर्सानी, धनिया, लौका, मटरकोसा, प्याजलगायतका सामग्रीको विषादी अवशेष जाँच गरिएको थियो। यी तरकारी–फलफूल मकवानपुर, चितवन, धादिङ, दमौली, नवलपुर र गोरखाबाट आएका थिए भने कालीमाटी, बल्खु, धुम्बाराही र चाबहिल बजारमा बिक्रीका लागि ल्याइएका थिए।

विभागकी प्रवक्ता डा। बाल कुमारी शर्माले भनिन्, “छोटो समयमै दोस्रो पटक पनि सबै नमुना सुरक्षित देखिनुले किसान र व्यापारीहरू जिम्मेवार बन्दै गएको पुष्टि गर्छ। उपभोक्ताले ढुक्कसँग यी तरकारी–फलफूल खान सक्नुहुन्छ।”

विभागले सकारात्मक नतिजालाई कायम राख्न सबै पक्षलाई आग्रह गर्दै छड्के अनुगमन निरन्तर गर्ने र मापदण्ड बिपरित भेटिए कडा कारवाही गर्ने जनाएको छ ।