प्रचण्ड–नेपाल समूहको केन्द्रीय कमिटी बैठक पेरिसडाँडामा सुरु

काठमाडौं । नेपाल कम्युनिस्ट पार्टी (नेकपा) को केन्द्रीय कमिटीको बैठक पेरिसडाँडामा सुरु भएको छ ।

प्रधानमन्त्री केपी शर्मा ओलीको सिफारिसमा राष्ट्रपति विद्ययादेवी भण्डारीले गत पुस ५ गते प्रतिनिधि सभा विघटन गरेपछि राजनीतिक रुपमा विभाजित बनेको नेपाल कम्युस्टि पार्टी (नेकपा) पुष्पकमल दाहाल प्रचण्ड–माधबकुमार नेपाल समूहको बैठकमा पछिल्लो राजनीतिक अवस्थाबारे केन्द्रीय सदस्यहरुलाई जानकारी गराउने बताइएको छ ।

यसैगरी निर्वाचनमा आयोगमा पुगेको आधिकारिकता विवाद र प्रतिनिधि सभा विघटनविरुद्ध जारी आन्दोलनका विषयमा समेत बैठकमा छलफल हुनेछ ।

आधिकारिकताका लागि बहुमत देखाउने प्रयासमा रहेको नेकपा प्रचण्ड–नेपाल समूहका नेताहरुले हस्ताक्षरसमेत गरेका छन् ।