जसपा नेपालमा ५ केन्द्रीय सदस्य मनोनीत

काठमाडौँ। जनता समाजवादी पार्टी नेपालले पाँच जना केन्द्रीय सदस्य मनोनीत गरेको छ।

बुधबार पार्टीले जारी गरेको परिपत्रअनुसार सिराहाका सत्यनारायण यादव, बाँकेका पदम अर्याल, बाँकेकै रेखा गुप्ता, रुपन्देहीकी विद्या यादव र धनुषाका विमल साह केन्द्रीय सदस्य मनोनीत भएका हुन् ।

विभिन्न पार्टी परित्याग गरी जसपा नेपाल प्रवेश गरेका उनीहरूलाई जिम्मेवारी दिइएको हो । जसपाले सल्लाहकार समितिका अध्यक्ष पनि मनोनीत गरेको छ । सल्लाहकार समिति अध्यक्षमा प्रा.डा.रामस्वारथ यादव मनोनीत भएका छन् ।

खड्गनारायण चौधरी, विष्णु कुमाल, अजयकुमार श्रीवास्तव, शशी यादव, जीतेन्द्रप्रकाश महतो र मनोज साह पनि केन्द्रीय सल्लाहकार परिषद् सदस्य मनोनीत भएका छन् ।