डा. निकोलस भूसालले गाँजा सेवन गरेको पुष्टि, प्रहरीले सुधार केन्द्र पठायो

काठमाडौं । बिहीबार दिउँसो माइतीघरमा प्रदर्शन गर्ने क्रममा पक्राउ परेका अभियन्ता डा. निकोलस भूसाललाई प्रहरीले सुधार केन्द्र पठाएको छ ।

जिल्ला प्रहरी परिसर काठमाडौंका अनुसार पक्राउपछि गरिएको स्वास्थ्य परीक्षण (मेडिकल रिपोर्ट) मा भूसालले गाँजा सेवन गरेको प्रमाण फेलापरेपछि उनलाई सुधार केन्द्रमा पठाइएको हो ।

गाँजा सेवन गरेको मेडिकल रिपोर्ट आएपछि प्रहरीले भूसाललाई सुधार केन्द्र पठाएको बताएको छ । प्रहरीले निकोलसलाई उनका दाजुको जिम्मामा सुधार केन्द्र पठाएको जनाएको छ ।

उनीसहित अन्य प्रदर्शनकारीलाई पनि प्रहरीले बिहीबार नियन्त्रणमा लिएको थियो । जेनजीको माग सम्बोधन नभएको भन्दै माइतीघरमा भेला भएका भूसालसहितले गृहमन्त्री ओमप्रकाश अर्यालको राजीनामा मागेका थिए ।