माइतीघरमा टाँगिएको महेश बस्नेत र ओलीको तस्वीर अंकित ब्यानर निकालियो, बालेन र सुदनको टाँगियो

काठमाडौं । माइतीघरमा राखिएका नेकपा (एमाले) का अध्यक्ष केपी शर्मा ओली र महेश बस्नेतको तस्वीर अंकित ब्यानर केही बेरअघि एक समूह आएर हटाएको छ ।

माइतीघरमा केही दिनअघि जेनजी समूहले नेपाली कांग्रेसका सभापति शेरबहादुर देउवा, कांग्रेस नेतृ आरजु राणा, पूर्वगृहमन्त्री रमेश लेखक, एमालेका अध्यक्ष केपी शर्मा ओली, माओवादी केन्द्रका अध्यक्ष पुष्पकमल दाहाल‘प्रचण्ड’ र नेकपा एकीकृत समाजवादीका अध्यक्ष माधव नेपाललाई ‘भ्रष्टाचारी हुँ’ लगायत उल्लेख गरी ब्यानर टाँगेका थिए । ती तस्वीरमध्ये ओली र बस्नेतको तस्वीर अंकित ब्यानर हटाइएको छ ।

उक्त ब्यानर निकालेर बुधबार साँझ एक समूह काठमाडौं महानगरपालिकाका मेयर बालेन्द्र साह(बालेन) र जेन–जी समूहका अगुवा सुदन गुरुङको तस्वीर अंकित ब्यानर राखेको छ । साह र गुरुङलाई हिंस्रक, हत्यारा, विदेशी दलाल लेखिएको ब्यानर टाँगिएको छ ।