आज प्रदेश १ सभाको बैठकः ओली समूह रोक्ने दाउमा

विराटनगर । संविधानबिपरीत प्रतिनिधिसभा बिघटन गरेका प्रधानमन्त्री केपी ओली प्रदेशसभाको बैठक नै रोकेर सांसद खरिदबिक्रीमा लागेको छ । आज बोलाइएको प्रदेशसभा बैठक पनि ओली समूहले रोक्ने प्रयास गरिरहेको छ ।

प्रदेश १ को सातौ हिउँदे अधिवेशनको दोस्रो बैठक आज बस्ने भएको छ । गएको माघ ७ मा ५ मिनेट पनि नबसी स्थगित भएको बैठक आज २ बजेका लागि राखिएको छ । तर आजको बैठकमा मुख्यमन्त्री शेरधन राईको सरकारका बिरुद्ध ल्याइएको अविश्वास प्रस्तावलाई अगाडि नबढाउनका लागि सत्ता पक्ष नै अबरुद्ध गर्ने रणनीतिमा रहेको स्रोत बताउँछ ।

सत्तापक्षको रणनीति यस्तो देखिएपछि आइतबार बिहान ११ बजे प्रदेश सभामुख प्रदीपकुमार भण्डारीले कार्यव्यवस्था परामर्श समितिको बैठक बोलाएका छन् । बैठकमा सरकारबिरुद्ध ल्याइएको अविश्वास प्रस्ताव अगाडि बढाउने ढंगले सभामुख अगाडि बढेमा सत्तापक्ष बैठक नै अवरुद्ध गर्ने दाउमा छ ।

मुख्यमन्त्री राईविरुद्ध अविश्वासको प्रस्ताव दर्ता गर्ने नेकपा(प्रचण्ड–माधव) समूहका १६ जना सांसदलाई ओली समूहले तीन महिनाका लागि निलम्बन गरेको छ । ती सांसदलाई बैठकमा प्रवेश गर्न नदिने तयारी सत्तापक्षको छ । यदि प्रवेश गर्न दिएमा बैठक अबरुद्ध गर्ने रणनीति उनीहरुको छ । जुन कुरा 

नेकपा ओली समूहका प्रदेश १ का प्रमुख सचेतक बुद्धिकुमार राजभण्डारीले नै घोषणा गरेका छन् ।