उपत्यका प्रहरीको कमाण्डरमा एआईजी कार्की

काठमाडौं । जेन-जीको सोमबारको प्रदर्शनका क्रममा १९ जनाको मृत्यु भएपछि काठमाडौं उपत्यका प्रहरी कार्यालय रानीपोखरीका निमित्त प्रमुख डीआईजी ओम राना जिम्मेवारीबाट हटाइएका छन् ।

गृहमन्त्रालयको निर्देशन अनुसार रानालाई जिम्मेवारीबाट हटाई एआईजी दानबहादुर कार्कीलाई काठमाडौं उपत्यकाको कमाण्डरको जिम्मा दिइएको छ ।

भीड नियन्त्रणमा निपूण कार्कीको कमाण्डमा जेन–जीको प्रदर्शनलाई शान्तिपूर्ण रुपमा अवतरण गर्ने भूमिका कार्कीले पूरा गर्ने अपेक्षाका साथ सरकारले उनलाई उपत्यका प्रहरी कार्यालयको प्रमुखको जिम्मेवारी दिएको छ ।

सोमबारको प्रदर्शनमा सुरक्षा व्यवस्था फितलो भएको र त्यसको जिम्मेवार भन्दै डीआईजी राना हटाइएको गृह मन्त्रालयस्रोतले जनाएको छ ।