आमहड्तालविरुद्ध ओलीपक्षीय युवाहरुको प्रतिकार जुलुस

काठमाडौं । नेपाल कम्युनिस्ट पाटी (नेकपा) प्रचण्ड-नेपाल समूहले गरेकाे आमहड्तालको विरोधमा प्रधानमन्त्रीसमेत रहेका नेकपा अध्यक्ष केपी शर्मा ओलीपक्षीय युवा विद्यार्थीले आमहड्तालको विरोध र भोलिको जनप्रदर्शनको प्रचारप्रसार गर्दै काठमाडौंमा मार्चपास गरेका छन् ।

शुक्रवार काठमाडौंमा हुने ओली पक्षको वृहत जनप्रदर्शनको तयारीस्वरूप स्वयंसेवकहरूलाई अभिमुखीकरण तालिम दिएपछि रातो टोपी लगाएका युवा विद्यार्थीले सडकमा मार्चपास परेका हुन् ।

साथै उनीहरुले आज होईन भोलिलाई–१० वर्ष ओलीलाई, अघि बढ केपी बा–साथ दिन तयार छौं, केपी ओली आईलभ यू लगायतका नारा लगाएका थिए । 

युवा नेताहरू महेश बस्नेत, माधव ढुंगेल, ऐन महरलगायतको नेतृत्वमा प्रदर्शनीमार्गबाट ओली पक्षको जुलुस अघि बढेको छ । बन्द आह्वानकर्ता र ओली पक्षबीच झडप हुन नदिन सुरक्षाकर्मी तैनाथ भएका छन् ।