राज्य व्यवस्था समितिको सभापतिमा न्यौपानेलाई पठाउने कांग्रेसको निर्णय

काठमाडौं । नेपाली कांग्रेसले राज्य व्यवस्था तथा सुशासन समितिको सभापतिमा इश्वरी न्यौपाने पठाउने निर्णय गरेको छ । पार्टी सभापति शेरबहादुर देउवा निवास बुढानीलकण्ठमा बसेको शीर्ष ५ नेताको बैठकले न्यौपानेको नाममा सहमति जुटाएको हो ।

सभापति रामहरि खतिवडाले राजीनामा दिएपछि उक्त रिक्त पदमा न्यौपानेलाई जिम्मेवारी दिइएको छ । संसदीय सुनुवाइ समिति सभापति रहेकी न्यौपानेलाई उक्त पदबाट राजीनामा गराएर राज्य व्यवस्था समितिको सभापति बनाउन लागिएको हो ।

समिति सभापतिका लागि आज मनोनयन र भोलि मतदानको समय तोकिएको छ । समिति सभापतिका लागि दिलेन्द्र बडु, हृदयराम थानी, सरिता प्रसाई, अम्बिका बस्नेतलगायत आकांक्षी थिए ।