आधारभूत तहका प्रहरीको १६ वर्षमै पेन्सन हुने व्यवस्था गर्दैछौँ: गृहमन्त्री

काठमाडौ । गृहमन्त्री रमेश लेखकले आधारभूत दर्जाका प्रहरीको १६ वर्षमै पेन्सन र निवृत्ति हुनेगरी कानुन निर्माण गर्न लागिएको बताएका छन्।

प्रथम महिला प्रहरी सम्मेलनको उद्घाटन समारोहलाई आज काठमाडौँमा सम्बोधन गर्दै गृहमन्त्री लेखकले नेपाल प्रहरी र सशस्त्र प्रहरी सम्बन्धी कानुन यथाशीघ्र जारी गरिने प्रतिबद्धता व्यक्त गरे।

उनले आधारभूत तहका प्रहरीले १६ वर्षमम्म उभिएर न्यूनतम ८ देखि अधिकतम १४ घण्टासम्म दैनिक ड्युटी गर्ने भएकाले उनीहरूलाई १६ वर्षमै पेन्सन हुने व्यवस्था गर्न लागिएको जानकारी दिए।

उनले नेपाल प्रहरी र सशस्त्र प्रहरीलाई देशका सबै जातजाती, लिंग र भूगोलको बनाइने र महिलाहरूको आरक्षणलाई थप गरिने पनि बताए।

गत वर्ष गृहमन्त्रालयको पदभार सम्हाल्दा आफूलाई जे जिम्मेवारी प्राप्त भएकोे थियो, त्यसलाई पूरा गर्न आफूले काम गरिरहेको उनले बताए।